Kareem Abdul-Jabbar (árabe: كريم عبدالجبار; nacíu col nome de Ferdinand Lewis Alcindor, Jr.; 16 d'abril de 1947, Nueva York) ye un ex-xugador de baloncestista d'Estaos Xuníos que militó en Milwaukee Bucks y Los Angeles Lakers de la NBA dende 1969 hasta 1989. Les sos dos primeres temporaes yera conocíu como Lew Alcindor primero que camudara'l so nome a finales de 1971, dellos años dempués de convertise al Islam, al que llegó dempués de lleer una autobiografía de Malcolm X.[6]
Abdul-Jabbar dexó'l baloncestu a la edá de 42 años como'l máximu anotador, taponador, reboteador defensivu y el que más partíos y minutos apostó de la historia de la NBA, amás de tener el récor de más MVP de la Temporada con seis y ser el xugador que más All-Star Game xugó, con diecinueve; tamién foi escoyíu diez vegaes nel meyor quintetu de la NBA y cinco nel segundu quintetu. La so llista de llogros personales y coleutivos ye seique la más impresionante na historia de la lliga: Rookie del Añu, campeón de la NBA en seis causes colos Bucks y Lakers, dos vegaes MVP de les Finales de la NBA, diecinueve vegaes All-Star y dos vegaes máximu anotador de la lliga, ente otros munchos. Tamién tien ocho récores de playoffs y siete de All-Star.
A pesar del so increíble ésitu na pista, nun foi hasta'l final de la so carrera qu'Abdul-Jabbar ganóse por fin el cariñu de los aficionaos al baloncestu. Foi un home reserváu qu'evitaba a la prensa y que dacuando paecía distante. "Soi'l peor ente los mozos malos", dixo una vegada a la revista The Sporting News. Mientres la temporada 1988-89, la so postrera n'activu, Abdul-Jabbar foi homenaxáu en cada cancha de la lliga.
© MMXXIII Rich X Search. We shall prevail. All rights reserved. Rich X Search